好書推介（三）
The Art of Logic: How to Make Sense in a World that Doesn’t
對於數學有興趣嘅朋友，可能會知道，高深嘅數學其實係關於邏輯，並唔只係加減乘除咁簡單。今次要介紹嘅呢一本書， The Art of Logic: How to Make Sense in a World that Doesn’t 由一位英籍華裔嘅數學家Eugenia Cheng撰寫。
由數學家嘅角度去講解邏輯嘅應用，其實都幾有趣。呢本書探索咗好多我哋經常會犯嘅邏輯問錯誤，雖然文字簡單，但係絕對需要用腦力去慢慢理解。
喺呢一個Fake News 滿佈嘅時代，如果邏輯唔夠強就好容易受情緒支配影響判斷。呢一本書2018年推出，內容已經包括有近日全球鬧得熱烘烘嘅BLM，筆者自己就非常鍾意作者探討呢一個議題嘅角度。不過，身邊有白人朋友就持相反意見。到底寫得好唔好，大概就係等讀者自己去發掘啦。
又：好多時候，我哋唔少人考慮嘅只係情緒而唔理邏輯。但係如果我哋經常只考慮邏輯而忽視左情緒或者感受，又係一件難事。要取中庸之道，其實比想像中難。然而，認真諗一層，就會發覺真正有邏輯嘅人係好難會走得好極端㗎。你懂的。
又二：呢兩日個個都睇美國大選⋯⋯呢本書啱哂
#移民 #荷蘭 #西歐 #出國 #留學 #歐洲讀書 #歐洲工作 #歐洲生活 #閱讀 #好書 #好書推介 #睇書 #長知識 #國際關係 #讀書 #進修 #成長 #邏輯 #思考 #邏輯思考 #思考力
Search